இன்னுயிர் காப்போம்’ திட்டத்தை தொடங்கி வைத்தார் முதலமைச்சர் மு.க.ஸ்டாலின்

விபத்தில் சிக்கியவர்களை காப்பாற்றும் வகையில் ‘இன்னுயிர் காப்போம்’ என்ற திட்டத்தை முதலமைச்சர் மு.க.ஸ்டாலின் இன்று தொடங்கி வைத்தார்.

சாலை விபத்துகளில் காயமடைபவர்களை காப்பாற்ற ’நம்மை காக்கும் 48- இன்னுயிர் காப்போம் திட்டம்’ செயல்படுத்தப்படும் என தமிழக அரசு ஏற்கனவே அறிவித்திருந்தது. தமிழகம் முழுவதும் 610 மருத்துவமனையில் ‘இன்னுயிர் காப்போம்’ திட்டம் செயல்படுத்தப்படும் என்றும், விபத்தில் காயமடைந்து மருத்துவமனைக்கு வருபவர்களுக்கு 48 மணிநேரம் இலவச சிகிச்சை அளிக்கவேண்டும் என்றும் இத்திட்டத்திற்கான வரைவு அறிக்கையில் தெரிவிக்கப்பட்டுள்ளது.

மேலும், சாலை விபத்துக்களால் பாதிக்கப்படுவோருக்கு உடனடியாக சிகிச்சை அளிக்கும் வகையில் உருவாக்கப்பட்டிருக்கும், இந்த திட்டம் மூலம் விபத்துக்குள்ளானவர்கள் எந்த நாட்டைச் சேர்ந்தவர்களாக இருந்தாலும் அவர்களுக்கு முதல்கட்ட மருத்துவ செலவு ரூ. 1 லட்சத்தை தமிழக அரசே ஏற்கும் என்றும் கூறப்பட்டுள்ளது. இதேபோல், சாலை விபத்துக்களில் சிக்கி காயமடைபவர்களை மருத்துவமனையில் சேர்ப்பவர்களுக்கு ரூ5 ஆயிரம் பரிசு வழங்கப்படும் என ஏற்கெனவே தமிழக அரசு அறிவித்திருந்தது.

தற்போது இன்னுயிர் காப்போம் திட்டத்தின் கீழ் விபத்தில் காயமடைந்து மருத்துவமனைக்கு வருபவர்களுக்கு 48 மணிநேரம், அடையாள அட்டைகள், காவல்துறை வழக்குப்பதிவு நடவடிக்கைகள் என எந்த ஆவணங்களையும் கேட்காமல் முதல்கட்ட சிகிச்சை இலவசமாக அளிக்கப்பட வேண்டும் என்று முதல்வர் உத்தரவு பிறப்பித்திருந்தார்.

இந்தத் திட்டம் 205 மாவட்ட மருத்துவக் கல்லூரி மருத்துவமனை, மாவட்ட அரசு மருத்துவமனைகள் மற்றும் 405 தனியார் மருத்துவமனைகள் என மொத்தம் 610 மருத்துவமனைகளில் இந்தத் திட்டம் செயல்படுத்தப்படுகிறது.

-------------------

எங்களுடைய இணையதள செய்திகள், மற்றும் பயனுள்ள தகவல்களை தெரிந்து கொள்ள எங்களுடைய சமூக வலைதளங்களில் பின்தொடருங்கள்...👇👇👇

Join SenthalaiNews WhatsApp group - 👈

Follow SenthalaiNews Facebook page - 👈

Subscribe SenthalaiNews YouTube Channel - 👈

Follow SenthalaiNews Instagram - 👈

Follow SenthalaiNews Twitter Account - 👈

Join SenthalaiNews Telegram group - 👈

Follow SenthalaiNews ShareChat Account - 👈