தஞ்சை மாவட்டம் அதிராம்பட்டினம் அலையாத்திக்காடு பகுதியில் வெயிலின் தாக்கத்தால் நீர்நிலைகள் வறண்டு போனதால் விவசாய நிலங்களுக்கு வெளிநாட்டு பறவைகள் படையெடுத்து வருகின்றன.
தஞ்சை மாவட்ட கடற்பகுதியான அதிராம்பட்டினம், தம்பிக்கோட்டை, மறவக்காடு, கரிசக்காடு கருங்குளம், ஏரிப்புறக்கரை, கீழத்தோட்டம் உள்ளிட்ட கடற்கரையோரம் அலையாத்தி காடுகள் உள்ளன. ஆண்டு தோறும் நவம்பர் முதல் மழை தொடங்குவதால் அலையாத்திக்காடு பகுதியில் உள்ள நீர்நிலைகளில் தண்ணீர் தேங்கி பறவைகளுக்கு ஏற்ற சூழல் காணப்படும். இதனால் இலங்கை, பாகிஸ்தான், மலேசியா, இந்தோனேசியா சிங்கப்பூர் ஆஸ்திரேலியா ஆகிய நாடுகளில் இருந்து போனாரை கூழைகிடா, செங்கால் நாரை, நீர்க்காகம், ஊசிவால் உள்ளிட்ட 30க்கும் மேற்பட்ட வகை பறவைகள் வந்து குவியும். அலையாத்தி காடு பகுதியில் சரணாலயம் போல் காட்சி தரும். பின்னர் கோடை காலம் துவங்கும் நிலையில் ஏப்ரல் மாத இறுதியில் இருந்து கொஞ்சம் கொஞ்சமாக பறவைகள் தங்கள் சொந்த நாடுகளுக்கு சென்று விடும்.
சில மாதங்களுக்கு முன்பு கோடை மழை பெய்ததால் அதிராம்பட்டினம் பகுதியில் உள்ள நீர்நிலைகளில் தண்ணீர் தேங்கியதால் வெளிநாட்டு பறவைகள் முகாமிட்டது. கடந்த சில நாட்களாக கடும் வெயில் காரணமாக நீர்நிலைகள் வறண்டு வருகிறது. இதன் காரணமாக வழக்கமான குளிர்ச்சியான நிலை மாறியதால் அலையாத்தி காடுகளை விட்டு வெளிநாட்டு பறவைகள் விவசாய நிலங்களுக்கு படை எடுக்கத் தொடங்கியுள்ளன.
-------------------
எங்களுடைய இணையதள செய்திகள், மற்றும் பயனுள்ள தகவல்களை தெரிந்து கொள்ள எங்களுடைய சமூக வலைதளங்களில் பின்தொடருங்கள்...👇👇👇
0 تعليقات
உங்களின் மேலான கருத்துக்கள் இங்கே வரவேற்கப்படுகின்றன......
* கருத்து பகுதியில் கருத்துரிமை என்ற அடிப்படையில் இங்கு பதிவாகும் கருத்துக்கள் வாசகர்களின் சொந்த கருத்துக்களே. செந்தலை நியூசின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
* கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
* தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
* தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.