இன்று துவங்கிய பிளஸ்2 தேர்வு தஞ்சை மாவட்டத்தில் 29,556 பேர் எழுதுகின்றனர்..


தஞ்சை மாவட்டத்தில்  இன்று துவங்கிய பிளஸ்2 பொதுத்தேர்வில் 13,130  மாணவர், 16,426 மாணவிகள் என மொத்தம் 29,556 மாணவர்கள் தேர்வெழுதுகின்றனர். தமிழகம் முழுவதும் பிளஸ்2 பொதுத்தேர்வுகள் இன்று (1ம் தேதி) துவங்கி வரும் 19ம் தேதி வரை நடக்கிறது. இதில் தஞ்சை மாவட்டத்தில் பிளஸ்2 பொதுத்தேர்வில் பட்டுக்கோட்டை கல்வி மாவட்டத்தில் 22 தேர்வு மையங்களில் 3,401 மாணவர்கள், 3,998 மாணவிகள் என மொத்தம் 7,399 பேர் எழுதுகின்றனர். கும்பகோணம் கல்வி மாவட்டத்தில் 26 தேர்வு மையங்களில் 4,284 மாணவர், 5420 மாணவிகள் என மொத்தம் 9,704 பேரும், தஞ்சை கல்வி மாவட்டத்தில் 33 தேர்வு மையங்களில் 3,734 மாணவர், 4846 மாணவிகள என மொத்தம் 8580 பேர் தேர்வெழுதுகின்றனர். ஒரத்தநாடு கல்வி மாவட்டத்தில் 15 தேர்வு மையங்களில் 1,711 மாணவர், 2,162 மாணவிகள் என மொத்தம் 3,873 பேரும் என மொத்தம் 13,130 மாணவர்கள், 16,426 மாணவிகள் என மொத்தம் 29,556 மாணவ, மாணவிகள் பிளஸ்2 தேர்வெழுதுகின்றனர். 


இத்தேர்வு நடைபெறும் மையங்களில் முதன்மை கண்காணிப்பாளர்கள், துறை அலுவலர்கள், கூடுதல் துறை அலுவலர்கள், அறை கண்காணிப்பாளர்கள் மற்றும் அலுவலக பணியாளர்கள் பணியில் ஈடுபடவுள்ளனர். மேலும் தேர்வு மையங்களில் மாணவர்கள் ஒழுங்கீன செயல்களில் ஈடுபடுவதை தடுக்கவும், தேர்வுகள் சிறப்பான முறையில் நடைபெறுவதை கண்காணிக்கவும் பள்ளி கல்வித்துறையில் பணிபுரியும் அனுபவமிக்க ஆசிரியர்களை கொண்டு பறக்கும் படை உறுப்பினர்கள் நியமனம் செய்யப்பட்டுள்ளனர்.

கருத்துரையிடுக

0 கருத்துகள்