மஞ்சப்பை குறித்து விழிப்புணர்வு ஏற்படுத்தும் வகையில் தஞ்சையில் 1,000 பள்ளி மாணவர்கள் மஞ்சப்பை வடிவத்தில் நின்று பதிய முயற்சியில் அசத்தினர்.
பிளாஸ்டிக்கை ஒழிக்கும் விதமாக சிறு மாற்றத்திற்கான இந்த முயற்சியை மானஸா அகாடமி மற்றும் தஞ்சாவூர் மாநகராட்சி இணைந்து கலாம் உலக சாதனை இந்த நிகழ்ச்சியை நடத்தியது. பிளாஸ்டிக்கிற்கு மாற்றாக துணியினால் ஆன சுற்றுச்சூழலிற்கு தீங்கு விளைவிக்காத மஞ்சப் பையை பயன்படுத்த "மீண்டும் மஞ்சப் பை" என்ற தலைப்பில் மக்களுக்கு விழிப்புணர்வு ஏற்படுத்தும் வகையில் தஞ்சை பழைய பேருந்து நிலையம் அருகே பள்ளி மாணவர்கள் இந்த வித்தியாசமான முயற்சியை மேற்கொண்டனர்.
அழகான நாகரிகமான - பிளாஸ்டிக் பை என்பது சுற்றுச்சூழலுக்கு கேடு விளைவிப்பது என்பதை பரப்புரை செய்தபிறகு இப்போது துணிப்பைகளை கொண்டு செல்லும் பழக்கம் அதிகமாகி வருகிறது. அது மேலும் அதிகரிக்க வேண்டும் என்பதற்காக இந்த நிகழ்ச்சி நடைபெற்றது.
பிளாஸ்டிக் பொருட்களை மக்கள் நிராகரிக்க வேண்டும். மக்கள் நினைத்தால் மாற்றத்தை உடனடியாக செயல்படுத்த முடியும் என்று இந்நிகழ்ச்சியில் வலியுறுத்தப்பட்டது. சுமார் 1000 பள்ளி மாணவர்கள் கலந்துகொண்ட இந்நிகழ்சியை தஞ்சை மாநகர மேயர் சண்.ராமநாதன் துவங்கி வைத்தார். மேலும் மாநகராட்சி ஆணையர் உள்ளிட்ட பலர் கலந்துகொண்டனர். மஞ்சப்பை வடிவில் மாணவர்கள் நிற்கும் கழுகு பார்வையில் உள்ள இக்காட்சி அனைவரையும் ஈர்த்தது. விழா இறுதியில் கலாம் உலக சாதனை நிகழ்வில் சாதனையாளர்களுக்கு சான்றிதழ், பதக்கம், விருது, மரக்கன்று, மஞ்சப் பை, மஞ்சள் தொப்பி, மஞ்சள் பனியன் ஆகியவை வழங்கப்பட்டது.
-------------------
எங்களுடைய இணையதள செய்திகள், மற்றும் பயனுள்ள தகவல்களை தெரிந்து கொள்ள எங்களுடைய சமூக வலைதளங்களில் பின்தொடருங்கள்...👇👇👇
0 கருத்துகள்
உங்களின் மேலான கருத்துக்கள் இங்கே வரவேற்கப்படுகின்றன......
* கருத்து பகுதியில் கருத்துரிமை என்ற அடிப்படையில் இங்கு பதிவாகும் கருத்துக்கள் வாசகர்களின் சொந்த கருத்துக்களே. செந்தலை நியூசின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
* கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
* தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
* தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.